التعليقات على: أخبرنا عن كمبيوترك الأول [مع القراء]

بواسطة: vict0ry

vict0ry — Tue, 06 Oct 2009 15:53:02 +0000

نفس الجهاز حسام تماما بس مالي متذكر السنة تمام بس 87 او 88 او 86 بس قبل ال90 اكيد و اشريناه من معرض دمشق الدولي و كان بوقتها اعظم جهاز يمكن اسمو كومدور 500 حتى اني الاسبوع الماضي لئيت بعض الالعاب الخاصة بصخر و تعمل على الكمبيوتر العادي و أحد الالعاب يلي كنت حبها كتير و اسمها وادي الملوك و ختمتها اخيرا بعد سنوااااااااااااااااات

بواسطة: ابراهيم الكعبي

ابراهيم الكعبي — Thu, 10 Sep 2009 23:56:40 +0000

اول كمبيوتر معي كان قبل 7 سنوات في 2002

كانت مساحة الهارد 40 جيجا + رام 128 ميجا

وشكرا

بواسطة: Noor.B

Noor.B — Sun, 06 Sep 2009 22:44:34 +0000

يا صاحبي انا كنت من الاطفال المدللين ان ذاك
لاني مازلت اذكرها كان اول كمبيوتر عنا من اقوى و اسرع لكمبيوترات وقتها (1994) حيث كان يحوي على اول شريحة بينتيوم و كانت تعمل بسرعة 66 ميغا هيرتز و كانت الذواكر 4 ميغا بايت و اتوقع كانت مساحة التخزين 200 ميغا و كان طاير عقلي!!!
بس اتدايقت وقت نزلت لعبت doom سنة ال 95 و ما كنت اقدر شغلها بهل المواصفات…… ايههههه (لهلق غصة)

اما هلاء موبايلي (مو كمبيوتري) معالجو 500 ميغا هرتز و ذواكرو 256 و مساحة التخزين المبيتة (دون توسعة ) 128 ميغا

الله يرحم هديك الايام لانو هلاء ما عم نلحق نقتنع بمواصفات الكمبيوتر الجديد يلي عم نشتري لحتى بعد شهر ينزل الاحدث منها و بنص سعرها!!!

شكرا الك يا حسام رجعتنا لهديك الايام

بواسطة: سعاد

سعاد — Sun, 06 Sep 2009 20:20:09 +0000

بتزكر هاد الجهاز كان عند أقرباء للعائلة وكنت ماصدق روح هنيك لحتى افتح برنامج الرسام وبلش اختراعات.. لهلأ بتزكر كيف كنت ارسم خط أفقي وبعدين اختار لون تعبئة ويبلش اللون يتعبى بالمنطقة المحددة بطريقة مسح بطيء. كنت ارسم أرض خضرا وشجرة برتقال (مستطيل بني ودائرة خضرا كبيرة وجواتها دوائر صغار برتقالية) وشمس صفرا. ماعم اتزكر غير برنامج الرسم.. بيلتقى سناب شوتس لبرامجه القديمة ؟

أهلي كانوا من معارضين الكمبيوتر ومناصرين أجهزة الأتاري والألعاب الالكترونية يلي مرت علينا بكل أشكالها وتطوراتها. وتأخرنا كتير لجبنا كمبيوتر.. بتزكر كنت عاشر يمكن.

تحية

بواسطة: أبو معاذ

أبو معاذ — Sun, 06 Sep 2009 15:56:17 +0000

هذا الجهاز الذي في الصورة كنت أكتب فيه لوحات بالخط الديواني، في برنامج الرسم. كانت “بسم الله الرحمن الرحيم” تأخذ ساعات. لكن للأسف، لم تكن عندي طابعة، ولا أحتفظ بشيء منها الآن غير الذكريات التي أثارتها الصورة. شكراً لك. وكان بالفعل أول جهاز اقتنيته.

بواسطة: بشر

بشر — Sun, 06 Sep 2009 14:30:48 +0000

والله بستحي أفضح حالي يعني أنا صحيح تأخرت لجبت كومبيوتر بس كان متطور وقتها يعني شاشة وسواقة ومن هالحكي …… سيدي أي واحد بيكون ميت من الفرحة لما بيجيه جهاز كمبيوتر وحتى لو كان مواصفات سيئة

بواسطة: Ahmad . M . G

Ahmad . M . G — Sun, 06 Sep 2009 11:24:01 +0000

أو جهاز أقتنيته كان في عام 2001
ومازال لدي وقابل للاستعمال إلا أنني أحتفظ به بهدوء لكي لايتعب أبدًا

بواسطة: حسام

حسام — Sun, 06 Sep 2009 11:00:21 +0000

كان سعره وقتها 13 ألف ليرة سورية.
شكراً لمرورك

بواسطة: سعاد

سعاد — Sun, 06 Sep 2009 10:43:02 +0000

معقول 64 !

أديش كان سعره وقتها ؟